Nijs                                                                                                                      2011  Ús lêste optreden yn 2011 wie op 24 desimber. Doe hawwe wy meiwurke  oan Krystjûn-tsjerketsjinst yn de Griff. Tsjerke.  Snein 11 desimber hawwe wy in winterkonsert jûn. Dit konsert stie yn it  teken fan winterfeesten fan it ljocht, mythen, folklore en tradysjes. It konsert   wie in  ôfwikseling fan ferhalen (troch Sietske) en muzyk. It publyk koe ek   nei fideobylden sjen.  Op freedtejûn 2 desimber hawwe in pear leden en twa leerlingen fan ús  korps  sinteklaasferskes spile yn de winkel fan Spar Tolsma. De  spar-klanten koenen dus  ûnder de fleurige klanken fan dizze muzyk  boadskipje.                                                                                                                       2011    Yntocht Sinteklaas  Op 26 novimber hawwe wy Sinteklaas ek wer ynhelle. It wie de bedoeling   dat Sinteklaas mei in helikopter op it sportfjild lande soe. Wy mar wachtsje   en al wa 't kaam, Sinterklaas net. Wat die bliken, hy him fersind mei in oar  plak (Marum). Úteinliks is Sinteklaas by de famylje Heslinga, oan de  Allengaweg, bedarre. Jimmo hat him doe mar mei trekker en wein nei  Arum brocht. En dêr waard de Goedhillichman ûntfongen troch wethâlder  Wigle Sinnema en Griet Sijtsma. En nei in rûngong troch it doarp ûnder  begelieding fan Wubbenus Jacobs kaam er by herberch "De Gekroonde  Leeuw" oan. Dêr hat Sinteklaas mei de Arumer bern feestfierd.    Foto's                                                                                                                                                                          2011  Freed 11 novimber wie it wer Sint Maarten. Ek dit jier hawwe wy yn Achlum  hjir ús meiwurking oan ferliend. It wie dit jier lokkich droech waar mar it wie   wol kâld. De bern binne wer by de doarren lâns gongen om jild yn te  sammeljen foar in goed doel: it oantugen fan nij boartersark op it  skoalplein. Nei ôfrin stie der kofje / thee en in "gevulde koek" foar ús klear.    Op 20 oktober hawwe wy ek wer meiwurke oan de lampioenoptocht yn   Arum. Dit is noch in tradysje út de periode fan de feriening "Floralia"  (oprjochte yn 1915 en ophâlden te bestean yn de jierren tachtig fan de  foarige ieu).                                                                                                                       2011  Festival Parregea  Op 29 oktober hawwe wy ek wer meidien oan it muzykfestival yn Parregea.  Wy hawwe hjir fjouwer stikken spile: Down by the Sally Gardens (Iers   folksliet), de mars Castell Coch (in kastiel út de 19e ieu yn Wales), King   Arthur (giet oer it ferhaal / leginde fan de Ingelske kening Arthur) en Floris  (fan de TV-searje Floris).                                                                                                                                                                                  2011  Rommelmerk 08 oktober 2011  Om kertier foar achten stie de earste klant al by "It Iepen Hûs". En tsjin  njoggen oere  stie der al in hiele rigele. Omdat it begûn te reinen hawwe   wy de doar mar earder  iependien. Ek dit jier hawwe wy ek wer in protte  guod binnenkrigen. De besikers koenen ek meidwaan oan it "draaiend  rad". Der wie ek wer kofje en eartesop te krijen en foar de bern wie der in  grabbeltûne. De skjinne opbringst is sa'n €  1.800,00. Elkenien dy't guod  brocht hat en/of de rommelmerk besocht hat , tige tank!                                                                                                                          2011  Wenbuorkerij fam. Bakker - Fam. Rohn  10 septimber is de de wenbuorkerij fan de famylje Bakker, van   Camminghaweg 34, offisjeel wer iepene / yn gebrûk nommen. In pear jier  lyn waard de pleats troffen troch de wjerljocht en is de achterein ôfbrând.  Op fersyk fan de famylje Bakker hawwe wy dizze “iepening” mei wat muzyk  opfleure.  Nei dit optreden, om 19.00 oere hinne, binne wy ek noch efkes nei “It Iepen  Hûs” ta gien, want dêr fierden Nicky en Attie Rohn harren jierdei en it feit  dat hja 25 jier troud wienen. Dêr hawwe wy doe noch efkes in serenade  brocht. Dat wie foar de famylje in folsleine ferrassing.                                                                                                                                                                                  2011  Aktiviteiten maaie - july   Us lêste aktiviteit foar de fakânsje wie de BBQ op 13 july by  M. van der Schaaf, Wytmarsum.  Sneon 25 juny wienen wy te hearren by it NK-keatsen foar jongens yn Arum  (eartiids  de jongensbond). De keatsferiening hie in prachtich plakje foar   ús op it fjild. Der stie in tine dêr't wy yn sitte koenen. No, dat wie gjin  oerstallige lúkse want it wie reinich waar, al like it efkes as soe de sinne   der trochkomme, mar dat wie in lyts knipeachje. It hat hast net droech west.  Lokkich sieten wy droech en soargen mei ús muzyk dochs foar wat fleur.  En sa as elts tink wol wit hawwe de Arumer-keatsers foar de oare waarmte  soarge: Hja hawwe de krânse wûn!.  Op 22 juny wienen wy yn Achlum. De bedoeling wie om dêr in iepenloft-  konsert te jaan en tagelyk de Achlkumer "4 daagse" rinners mei in fleurich   stikje muzyk binnen te heljen. Mar it wie min waar (rein en hurde wyn), dat   wy hawwe yn de hal fan it doarpshûs spyle.  Op 12 juny (Pinkstersnein) hawwe wy meiwurke oan de tsjerketsinst yn de  Griff. Tsjerke.  Op 28 maaie hawwe mei wy meidien oan it konkoers op Skiermûntseach.   It oefenjen hat fertuten dien, want wy binne mei in 1e priis nei hûs ta gien.  En dat nei in nacht op it eilân "sliept" te hawwen en wy de oare moarns al   wer om 7.00 oere neist ús bed stienen omdat wy betiid spylje moasten.  Yn 'e wike fan 15-21 maaie hawwe wy en de sjongferiening "Halleluja" wer   mei de anjerfûns-kolletebus by jimme lâns west.  De opbringst wie  € 353,06. (2010: € 362,31). Elkenien dy't wat jûn hat,   tige tank!! De opbringst yn hiel Súdwest Fryslân wie: € 4.250,51.  En wylst wy it sa drok hienen hawwe trije leden ek noch eksamen dien:  Andrea en Sophia Vlug binne slagge foar harren A-diploma en  Almer Zijlstra hat it C-diploma behelle. Lokwinske hjirmei.                                                                                                                       2011  Plante-aksje - Konsert Keninginnedei - deadenbetinking  De lêste wike fan april hawwe wy Arum en inkelde doarpen yn 'e omkriten  wer opfleure mei planten dy't wy ferkocht hawwe om ús kas oan te   fullen. Dat is dit jier ek wer slagge. De skjinne opbringst wie sa'n  € 2.400,00. By dizzen: tige tank!!  Op Keninginnedei joegen wy wer ús jierlikse kofjekonsert op it sportfjild.   Fanwegen de hurde wyn sieten wy achteroan it sportfjild yn 'e lijte fan de  beammen. De bern wienen dêr dwaande mei harren spultsjes, wylst Siebe  en Griet Bruinsma foar kofje, tee of fris soargen fan út de Raat.  Op 4 maaie wie it wer de jierlikse deadenbetinking by it monumint. Dêr   hawwe wy koralen,"De Last Post en it "Wilhelmus" hearre litten. Bern fan  de basisskoallen liezen in gedicht foar. De oanwêzigen koenen blommen  by it monumint dellizze.                                                                                                                                                                                                                2011  Stiperskonsert 19 maart                                          Nederlandse versie  Op 19 maart hoopje wy wer ús jierlikse stiperskonsert te hâlden. It thema  fan it konsert is "Het Wilde Westen". Ien fan de muzykstikken dy't wy  útfiere sille is "Wieger wordt wakker". Learlingen fan ús korps en bern fan  de basisskoallen sille hjir oan meidwaan. Yn dizze komposysje komme  bern op in spannende wize yn 'e kunde mei it fanfarekorps. Fierders  wurde der stikken útfierd dy't wy ek op it Federatiefestival yn Parregea  (30-10-2010) en op it grutte HaFaBra-konsert yn Makkum (5-2-2011)     spile hawwe. Twa leden fan ús korps sille yn twa muzykstikken de  solo-party foar harren rekken nimme. Yn it skoft is der in ferlotting.  Plak: Grifformearde Tsjerke, van Camminghaweg 15.  Tiid: 20.00 oere. De tagong is fergees. Nei ôfrin is der by de útgong in   kollekte.  Programma                                                                                                                       2011  Hafabrakonserten 5 febrewaris 2011  Op 5-2-2011 wienen der hafabrakonserten troch 30 korpsen yn de   nije fúzjegemeente. Dizze konserten waarden yn 3 plakken jûn. Arum hat yn  Makkum spile. Fan ús korps hawwe der 14 leden oan meidien.  Klik hjir foar mear ynformaasje. Foar it programma klik: hjir                                                                                                                                                                                           2010  Nij bankje by Payesyl (Achlum)  Ein novimber waard der ûnferwachts noch in berop ús dien troch de   "Freonen fan de Slachte". Op 28 novimber moast by Payesyl (Achlum) in   bankje offisjeel yn gebrûk nommen wurde. Foar de muzikale omlisting  hienen hja in muzykgroep frege. Mar dizze groep moast troch   omstannichheden ôfsizze. Doe hawwe se ús frege om hjir oan mei te  wurkjen. Dat sadwaande hawwe sa'n 15 leden fan ús korps dit barren  mei muzyk opfleure. It wie kâld. Fan sommige ynstruminten frearen de  fentilen fêst. Mar fierders is it al allegear goed beteard.                                                                                                                      2010  Far wol freon Wûnseradiel  Op 29 maaie binne wy mei it sjongkoar "Hallelujah" nei "It Anker" yn    Makkum west foar de opname fan it liet "It Heitelân". Dit wie ús bydrage   oan de CD "Far wol freon Wûnseradiel". Dizze CD is in ôfskied fan ús  gemeente, dy't per 01-01-2011 opgean sil yn de nije gemeente  Súdwest-Fryslân. Alle doarpen yn Wûnseradiel hawwe in bydrage levere yn  de foarm fan in liet. Foar Arum is foar it liet "It Heitelân" keazen omdat de  skriuwer fan dit liet, Jan Linses van der Burg,  10 jier lang yn Arum wenne  hat (1894 - 1904). Yn dizze perioade hat hy dit liet skreaun. Op 9 oktober   wie de presintaasje fan de CD (ynklusief in boek mei de tekst fan de lieten  en foto's fan de 27 doarpen). Yn Arum wie  de presintaasje om 09.30 oere  by it kafee "De Gekroonde Leeuw".  De CD + boek binne fergees en sil op  elk adres yn Arum besoarge wurde.   Foto's                                                                                                                       2009  Financiële bijdrage St. tot Nut  In december ontvingen wij bericht van de Stichting tot Nut, dat zij besloten   heeft om verschillende verenigingen en stichtingen een financiële injectie  te geven, zodat deze financieel soepeler kunnen draaien. Wij zijn één van  de verenigingen die een financiële bijdrage tegemoet kunnen zien.  We ontvangen een bedrag van  €  500,00. Dit is aan het einde van het jaar  nog "in stik bûter yn 'e brij". Dit geld kunnen we goed gebruiken, b.v. voor   de aanschaf van instrumenten.  De Stichting tot Nut is door de Friesland Bank instaat gesteld om deze   financiële bijdragen aan de verenigingen en stichtingen te doen.